🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq, O‘zbekiston “Adolat” sotsial-demokratik partiyasidan saylangan deputat N.Nadirovava tomonidan kotibiyat xodimi N.Kurganova ishtirokida tuman Oila va xotin-qizlar bo‘limida O‘zbekiston Respublikasining “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni ijrosi holati yuzasidan o‘rganish o‘tkazildi.

🔷O‘rganish davomida bo‘lim bosh mutaxassisi D.Xoshimova tomonidan xotin-qizlarning huquq va manfaatlarini himoya qilish, ularni ijtimoiy-iqtisodiy jihatdan qo‘llab-quvvatlash, gender tenglikni ta’minlash bo‘yicha amalga oshirilayotgan ishlar, shuningdek, xotin-qizlarni ish bilan ta’minlash, tadbirkorlikka jalb etish, og‘ir ijtimoiy ahvolga tushib qolgan ayollarga manzilli yordam ko‘rsatish borasidagi chora-tadbirlar haqida axborot berildi.

🔷Shu bilan birga, yoshlar o‘rtasida erta nikohni oldini olish, fuqarolar o‘rtasidagi ajrimlar sabablarini o‘rganish, gender tenglik tamoyillarini hayotga izchil tatbiq etish, xotin-qizlarni qo‘llab-quvvatlash bo‘yicha manzilli va samarali chora-tadbirlarni amalga oshirish yuzasidan joylarda tegishli tushuntirish ishlarini kuchaytirish, xotin-qizlarning huquqiy savodxonligini oshirish zarurligi ta’kidlandi.