Xalq deputatlari Jalaquduq tuman Kengashining “Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya”si yig‘ilishi bo‘lib o‘tdi. Unda tuman Kengashining VII chaqiriq 17-sessiyasi kun tartibiga kiritilgan qator muhim
masalalar dastlabki tarzda ko‘rib chiqildi. Jumladan, mahallalarda yoshlar bilan ishlash tizimi samaradorligini oshirishga qaratilgan davlat siyosati ijrosi doirasida amalga oshirilayotgan ishlar yuzasidan mas’ul rahbarlarning hisobotlari tinglandi. Shu bilan birga, “Yoshlar daftari” jamg‘armasi mablag‘laridan samarali foydalanish masalasi muhokama markazida bo‘ldi.Yig‘ilishda aholi tashabbuslarini qo‘llab-quvvatlashga qaratilgan “Ochiq byudjet” portali orqali eng ko‘p ovoz olgan loyihalarni saralash hamda “Fuqarolar tashabbusi jamg‘armasi” mablag‘larini manzilli yo‘naltirish yuzasidan takliflar ko‘rib chiqildi. Shuningdek, 2026 yil boshida shakllangan mahalliy byudjetning erkin qoldiq mablag‘larini samarali taqsimlash masalalari ham atroflicha muhokama qilinib, tegishli taklif va tavsiyalar ishlab chiqildi.