Халқ депутатлари Наманган вилояти Кенгаши котибияти томонидан Халқ депутатлари Янгиқўрғон туман Кенгаши котибияти фаолияти ўрганилди.

Ўрганиш жараёнида котибият томонидан олиб борилаётган ташкилий ишлар, ҳужжатлар билан ишлаш тизими, депутатлик фаолиятини мувофиқлаштириш ҳамда сессия ва доимий комиссиялар йиғилишларини ташкил этиш бўйича амалга оширилаётган ишлар таҳлил қилинди.

Шунингдек, аҳоли мурожаатлари билан ишлаш, ижро интизомини таъминлаш ва ҳужжат айланмаси тизимидаги амалий ишларга алоҳида эътибор қаратилди.

Ўрганиш якунида котибият фаолиятини янада такомиллаштириш, иш самарадорлигини ошириш ҳамда илғор тажрибаларни жорий этиш бўйича тегишли таклиф ва тавсиялар берилди.