Xalq deputatlari Bekobod shahar Kengashining 2-“Do‘stlik” saylov okrugidan saylangan O‘zMTDP deputati K.Shukurov “Do‘stlik” mahalla fuqarolar yig‘ini raisi O.Xolmatova ishtirokida hududdagi mavjud muammolarni o‘rganish ishlari olib bordi. O‘rganish davomida mahalla hududidagi ko‘p qavatli 74-uyning orqa qismida joylashgan 7 ta kanalizatsiya qudug‘i qopqoqlarsiz
holatda ekani aniqlanib, ushbu holat aholi, ayniqsa bolalar va piyodalar xavfsizligi uchun jiddiy xavf tug‘dirayotgani ta’kidlandi. O‘rganish yuzasidan deputat, mahalla raisi bilan mazkur muammoni bartaraf etish, mas’ul tashkilotlar e’tiborini jalb etish va tegishli chora-tadbirlarni amalga oshirish maqsadida deputatlik so‘rovi chiqarish belgilab olindi. Hududdagi mavjud muammolarni o‘z vaqtida aniqlash va ularni bartaraf etish orqali aholi uchun xavfsiz hamda qulay sharoit yaratish ustuvor vazifa ekani alohida qayd etildi.