Qaraózek rayonında saltanatlı toylar hám basqa da shańaraqlıq máresimlerdi ıqshamlastırıw, olardı milliy qádiriyatlarımızǵa say, ápiwayılıq hám únemlilik tiykarında ótkeriwge qaratılǵan úgit-násiyat ilajı shólkemlestirildi.

Bul ilajda Qaraózek rayonı hákimi orınbasarı I.Qosıbaev, Nuranıy qorı baslıǵı M.Gulimbetov (https://t.me/qaraozek_xdrk_13), Máhálleler awqamı baslıǵı R.Daniyarov, rayonlıq meshit bas imamı A.Idireysov,  ruwxıy-aǵartıwshılıq orayı baslıǵı J.Nuratdinova, Xalıq deputatları rayonlıq Keńesi deputatları, máhálle belsendileri, shańaraq hám hayal-qızlar bólimi wákilleri, kóshe biyleri, nuranıy analar, hayal-qızlar hám jaslar qatnastı. Ushırasıwda toy, merekelerde artıqsha ısırapgershilikke jol qoymaw, máresimlerdi tártipli hám ıqsham túrde ótkeriw, milliy qádiriyatlarımızǵa tiykarlanǵan halda artıqsha qárejetlerdiń aldın alıw, jas shańaraqlardı finanslıq basımnan saqlaw zárúr ekenligi atap ótildi.

Ushırasıwda deputatlar hám máhálle wákilleri óz pikir, usınısın bildirdi.