O‘zLiDeP deputatlik guruhi eshituvi bo‘lib o‘tdi

O‘zLiDeP Uzun tuman Kengashi deputatlik guruhi hamda tuman Kengashi raisining birinchi o‘rinbosari - apparat rahbari F.Norqulova ishtirokida o‘tkazilgan eshituvda “Hududgazta’minot” AJ Uzun tuman hududiy filiali tomonidan amalga oshirilgan ishlar tahlil qilindi. 

Eshituvda O‘zLiDeP partiya saylovoldi dasturida belgilangan vazifalar, 2025-yilda rejalashtirilgan chora-tadbirlar xususida ham fikr bildirdi. 

Shundan so‘ng, deputatlarga “Hududgazta’minot” AJ Uzun tuman hududiy filiali 2025-yil 1-chorak davomida qanday ishlarni amalga oshirgani haqida ma’lumotlar taqdim qilindi. Jumladan, tabiiy gaz bo‘yicha mavjud qarzdorlikni kamaytirish, aholi xonadonlariga reduktor qurilmasini o‘rnatish, gaz ta’minotini yaxshilash borasida qilingan ishlar haqida ma’lumotlar berildi. Deputatlar tomonidan filial vakiliga yo‘l qo‘yilgan kamchiliklar va uchrashuvlarda aholi tomonidan ko‘tarilgan gaz ta’minotiga oid muammolar masalasi o‘rtaga tashlanib, muhokama qilindi.