Xalq deputatlari Chilonzor tuman Kengashining Qurilish, kommunal, suv xo‘jaligi, ekologiya, sanoat masalalari bo‘yicha doimiy komissiyasi tomonidan Chilonzor tumanidagi yuridik shaxslar va yakka tartibdagi tadbirkorlar hududida obodonlashtirish, ko‘kalamzorlashtirish hamda qattiq va maishiy chiqindilarni olib chiqib ketish xizmatlari uchun to‘lov tarifi miqdorini belgilash masalasi ko‘rib chiqildi.
Doimiy komissiya tomonidan ushbu masala yuzasidan taqdim etilgan ma’lumotlar, tegishli xatlar hamda xizmatlarning sifati, hududlarning sanitariya va obodonlashtirish holati, ko‘rsatiladigan xizmatlar hajmi va tarif miqdori atroflicha muhokama qilindi.
Shuningdek, hududlarning sanitariya holatini yaxshilash, chiqindilarni o‘z vaqtida olib chiqish, markaziy ko‘chalar bo‘yidagi tadbirkorlik subyektlari bilan xizmat ko‘rsatish bo‘yicha shartnomalarni samarali tashkil etish, ko‘rsatilayotgan xizmatlar sifatini oshirish va obodonlashtirish ishlarini muntazam nazorat qilish bo‘yicha tegishli vazifalar belgilandi.
Kun tartibidagi mazkur masala doimiy komissiya a’zolari va mas’ullarning fikr-mulohazalari hamda takliflari inobatga olingan holda xalq deputatlari Chilonzor tumani Kengashining navbatdagi sessiyasi muhokamasiga kiritish uchun tavsiya etildi.