Mahallada o‘tkazilayotgan «Obodlik va mehr-saxovat oyligi» doirasida aholi uchun qulay va obod muhit yaratish, ayniqsa, bolajonlarning bo‘sh vaqtlarini mazmunli o‘tkazishi uchun sharoitlarni yaxshilashga qaratilgan amaliy ishlar izchil davom etmoqda.
Xalq deputatlari Chilonzor tumani Kengashi deputati Ahmedov Shuhrat Murotovich tashabbusi va amaliy ko‘magi bilan mahalla hududidagi Dilxush ko‘chasi, 1–12-ko‘p qavatli uylar hududida joylashgan vorkaut va bolalar maydonchasidagi sport inventarlari ta’mirlandi, qayta tiklandi hamda zamonaviy ko‘rinish kasb etishi uchun bo‘yoqlash ishlari amalga oshirildi.
Mazkur ishlar natijasida maydoncha yanada obod va ko‘rkam holatga keltirilib, hududda istiqomat qiluvchi aholi, ayniqsa, yoshlar va bolajonlarning jismoniy tarbiya bilan shug‘ullanishi, faol dam olishi va bo‘sh vaqtlarini mazmunli o‘tkazishi uchun qulay sharoitlar yaratildi.
Bunday tashabbuslar mahallada obodlikni ta’minlash bilan bir qatorda, aholi salomatligi, yosh avlod tarbiyasi va sog‘lom turmush tarzini keng targ‘ib etishga xizmat qiladi.
Mahalla obod bo‘lsa — aholi kayfiyati ko‘tariladi, bolalar kulgisi esa hududga yanada fayz bag‘ishlaydi.