📌 Senator va deputat Husan Ermatov talabalar bilan uchrashdi

Oliy Majlis Senati a’zosi, xalq deputatlari tuman Kengashi deputati Husan Ermatov O‘zbekiston Jurnalistika va ommaviy kommunikatsiyalar universitetida (O‘zJOKU) tashkil etilgan “Mustaqillik darsi”da ishtirok etdi.
Senatning Fan, ta’lim va sog‘liqni saqlash masalalari qo‘mitasi a’zosi H. Ermatov talaba-yoshlar bilan muloqotda mamlakatimizda ta’lim sohasida amalga oshirilayotgan keng ko‘lamli islohotlar va yoshlar uchun yaratilgan zamonaviy imkoniyatlar haqida so‘z yuritdi.
Muloqot davomida deputat talabalarni zamonaviy bilim va ko‘nikmalarni puxta egallashga, yangi g‘oya hamda tashabbuslar bilan jamiyat hayotida faol ishtirok etib, yurt taraqqiyotiga munosib hissa qo‘shishga chaqirdi.