Xalq deputatlari Yunusobod tuman Kengashi deputati Ibragimov YU. tomonidan nogironligi bo‘lgan fuqarolar bilan uchrashuv va ochiq muloqot o‘tkazildi.

🤝Suhbat davomida fuqarolarning kundalik hayotida muhim bo‘lgan ijtimoiy himoya, bepul dori vositalari bilan ta’minlash, sanatoriy-kurortlarda bepul sog‘lomlashtirish va yo‘llanmalar olish masalalari muhokama qilindi.

⚖️Jumladan, O‘zbekiston Respublikasining “Nogironligi bo‘lgan shaxslarning huquqlari to‘g‘risida”gi O‘RQ-641-son Qonunining 36-moddasida nogironligi bo‘lgan shaxslarning sanatoriy-kurortda bepul sog‘lomlashtirilish hamda qonunchilikda belgilangan tartibda dori vositalari bilan ta’minlanish huquqi belgilangan.

📝Uchrashuv davomida fuqarolarning murojaat va takliflari tinglanib, mavjud muammolarni tegishli tashkilotlar bilan hamkorlikda o‘rganish, qonunchilikda belgilangan imtiyoz va huquqlardan foydalanishiga amaliy ko‘maklashish masalalariga e’tibor qaratildi.

🤝Deputatlik faoliyati doirasida aholining, xususan, nogironligi bo‘lgan fuqarolarning qonuniy huquq va manfaatlarini himoya qilish, ularning murojaatlarini o‘rganish hamda amaliy yechim topish bo‘yicha ishlar davom ettiriladi.