Yunusobod tumanining “Billur” mahallasida “Yagona xalq, yagona Vatan, yagona maqsad!” shiori ostida navbatdagi “Uch avlod uchrashuvi” ma’naviy-ma’rifiy tadbiri bo‘lib o‘tdi.

✅Tadbirda Toshkent shahar Kengasi raisi, senator R.Kalonov, Respublika “Nuroniy” jamg‘armasi boshqaruvi raisi o‘rinbosari Sh.Usmonov, Yunusobod tumani hokimi o‘rinbosari A.To‘laganov, tuman Kengashi deputati I.Ashrapova, shuningdek, nuroniy otaxon va onaxonlar hamda faol yoshlar ishtirok etishdi.
Ochiq va samimiy muloqot tarzida tashkil etilgan tadbirda “Billur” mahallasida istiqomat qiluvchi, 85 yoshli olim, texnika fanlari doktori, professor, fantast yozuvchi va rassom Qudrat Do‘stmuhammad o‘zining hayotiy tajribasi hamda ibratli saboqlari bilan o‘rtoqlashdi.
Shuningdek, sportning beshkurash turi bo‘yicha xalqaro musobaqalar g‘olibi, maktabni oltin medal bilan tamomlab, bugungi kunda Toshkent davlat yuridik universitetida davlat granti asosida tahsil olayotgan iqtidorli yoshlardan biri Samira Abzalova o‘z yutuqlari, maqsadlari va yoshlarga berilayotgan imkoniyatlar haqida so‘zlab berdi.

✅ Savol-javoblarga boy tarzda o‘tgan mazkur uchrashuv navqiron avlod qalbida Vatanga bo‘lgan sadoqat, ilm-ma’rifatga intilish va yuksak mas’uliyat tuyg‘ularini mustahkamlashga xizmat qildi.