Yunusobod tumani Ta’lim bo‘limida tumandagi 52 ta maktabgacha ta’lim tashkiloti rahbarlari ishtirokida uchrashuv bo‘lib o‘tdi.

🤝Uchrashuvda xalq deputatlari Yunusobod tumani Kengashi deputati Ashrapova I. ishtirok etib, maktabgacha ta’lim muassasalarida bolalarni milliy qadriyatlarimiz ruhida tarbiyalash, xalq og‘zaki ijodining tarbiyaviy ahamiyatga ega namunalarini keng targ‘ib qilish masalalariga alohida e’tibor qaratdi.

💠Xususan, bog‘chalarga milliy qadriyatlarimizni yaxshi biladigan, xalq og‘zaki ijodidan tarbiyaviy ahamiyatga ega ertak va rivoyatlarni bolalarga o‘qib, aytib bera oladigan, ziyoli, kasb-hunarli, muomalali va mehribon buvijonlarni biriktirish bo‘yicha taklif va tashabbuslar muhokama qilindi.

👵Ushbu tashabbusdan ko‘zlangan asosiy maqsad — yosh avlodga xalqimizning boy ma’naviy merosi, urf-odat va an’analarini bolalikdan singdirish, tarbiya jarayonida katta avlod vakillarining hayotiy tajribasi va ibratidan samarali foydalanishdir.

🏛Xalq deputatlari Yunusobod tumani Kengashi tomonidan mazkur yo‘nalishdagi ishlarni qo‘llab-quvvatlash, aholining taklif va tashabbuslarini o‘rganish hamda ularning amaliy ijrosini nazorat qilishga alohida e’tibor qaratilmoqda.

Bizni kuzatishda davom eting!