Xalq deputatlari Qo‘qon shahar Kengashining 2026-yil 25-maydagi VII-22-42-11-166-K/26-sonli qarori bilan uy-joy ta’miri uchun mablag‘ ajratilgan fuqarolar xonadonlarida qaror ijrosi yuzasidan amalga oshirilayotgan ishlar joyiga chiqib o‘rganildi.

O‘rganishda Xalq deputatlari Qo‘qon shahar Kengashi kotibiyati mudiri A.Nosirov hamda tegishli mas’ul tashkilotlar vakillari ishtirok etdilar.

Ishchi guruh tomonidan Sunbula mahalla fuqarolar yig‘inining Tinchlik ko‘chasi, 10-uyda istiqomat qiluvchi nogironligi bo‘lgan fuqaro M.Otaboyev xonadonida olib borilayotgan “yashil ta’mirlash” ishlari bilan yaqindan tanishildi.

O‘rganish davomida ta’mirlash ishlarining sifati, foydalanilayotgan qurilish materiallarining holati, ishlarning belgilangan loyiha va muddat asosida olib borilishi hamda fuqaro uchun yaratilayotgan sharoitlar ko‘zdan kechirildi.

Mas’ullar tomonidan ta’mirlash ishlari sifatli tashkil etilgani, qurilish jarayoni belgilangan talablar asosida olib borilayotgani hamda ishlarni o‘z vaqtida yakunlash bo‘yicha zarur choralar ko‘rilayotgani qayd etildi.

Mazkur qaror ijrosi hamda ta’mirlash ishlari deputatlik nazoratida bo‘lib, bu boradagi monitoring ishlari izchil davom ettiriladi.

Xalq deputatlari Qo‘qon shahar Kengashi