🚀 Shovotda yoshlarning yozgi ta’tili mazmunli tashkil etilmoqda
Kuni kecha xalq deputatlari Shovot tumani Kengashining navbatdagi 27-sessiyasida tumanda yoshlarning yozgi ta’tilini samarali o‘tkazishga qaratilgan “Dolzarb 90 kun” chora-tadbirlar dasturi muhokama qilinib, deputatlar tomonidan bir ovozdan ma’qullangan edi. 
📉 Mazkur qaror ijrosini ta’minlash, yoshlarning bo‘sh vaqtlarini mazmunli tashkil etish uchun yaratilgan shart-sharoitlarni o‘rganish maqsadida, tuman Kengashi deputati Z.Polvonova joylarda o‘rganishlar olib bordi.
🔍 O‘rganishlar davomida deputat tumandagi ta’lim muassasalari va mahallalarda tashkil etilgan zamonaviy to‘garaklar faoliyati bilan yaqindan tanishdi. Xususan: 
Xorijiy tillar, sun’iy intellekt, dasturlash va robototexnika kabi zamonaviy yo‘nalishlar; 
Tikuvchilik, pazandachilik va hunarmandchilik kurslari; 
Yoshlarning intellektual salohiyatini oshirishga qaratilgan loyihalar ko‘zdan kechirildi. 
💬 Shuningdek, muloqotlar davomida yoshlar bilan ochiq muloqot tashkil etilib, ularning qiziqishlari, taklif va istaklari tinglandi. Deputat yoshlarga yaratilgan imkoniyatlardan unumli foydalanish zarurligini ta’kidlab, ularni kitobxonlik, sport va intellektual o‘yinlarda yanada faol bo‘lishga chaqirdi. 
Shovot tumanidagi 52 ta mahalla va 54 ta maktabda yoshlarning yozgi ta’tilini yuqori saviyada o‘tkazish bo‘yicha deputatlik nazorati izchil davom ettiriladi.