Xalq deputatlari Mirzaobod tumani Kengashi kotibiyati mudiri H.Amanbayeva, Kengash kotibiyati bosh mutaxassisi D.Berdiyarova hamda tuman Kengashi deputati G.Xolmurodova tomonidan Mahalliy Kengash deputati faoliyatining 24 ta eng muhim yo‘nalishi doirasida mahallalarda aholi va bolalar foydalanayotgan sport inshootlari, sport zallari hamda ulardagi sport anjomlari holati joyiga chiqib o‘rganildi.

O‘rganishda ayrim sport zallari va yordamchi xonalarda joriy ta’mirlash ishlarini amalga oshirish, eskirgan sport anjomlarini yangilash hamda sport inventarlari bilan ta’minlashni yaxshilash zarurligi aniqlandi.

Aniqlangan kamchiliklarni bartaraf etish, sport infratuzilmasini yanada rivojlantirish, yoshlar uchun munosib sharoitlar yaratish yuzasidan tegishli takliflar ishlab chiqilib, mas’ul tashkilotlarga kiritish hamda ularning ijrosini deputatlik nazoratiga olish belgilandi.