O‘rganishlar davomida Termiz shahar "Pattakesar" mahalla raisi hududdagi ekin maydonlarini sug‘orish uchun oqar suv yetib kelmayotganligini bildirdi.

💬Buning asosiy sababi sifatida Surxondaryo daryosida suv sathining sayozlashib ketganligi bois, u yerda barpo etilgan sun’iy suv inshooti (damba) ochilib (yiqilib) ketganligi ko‘rsatildi.

💬Mazkur murojaat joyiga chiqqan holda o‘rganilganda, daryodagi sun’iy suv inshooti (damba) haqiqatdan ham ochiq holda yotgani aniqlanib, damba atrofida faoliyat yuritayotgan qurilish texnikalari daryo o‘zanidan qum yuklab, boshqa manzilga olib ketayotganligi kuzatildi.

🫥Eslatib o‘tamiz, Xalq deputatlari Termiz shahar Kengashi doimiy komissiyasining qaror loyihasida mas’ullarga quyidagi aniq vazifalar belgilab berilgan:

🟢Suv resurslaridan oqilona va adolatli foydalanish;
🟢Xo‘jaliklararo kanallar va ichki sug‘orish tarmoqlarini o‘z vaqtida ta’mirlash;
🟢Fermerlar va tomorqa egalarining muammolarini bevosita joyida o‘rganib, hal etish.

💬Deputatlar va komissiya a’zolari ushbu qaror ijrosining amaliy holatini keskin va tanqidiy tahlil qildilar. Aniqlangan kamchiliklarni bartaraf etish bo‘yicha mutasaddi tashkilotlarga qat’iy topshiriqlar berildi.

💬Ko‘rilgan choralar natijasida, Surxondaryo daryosida damba hosil qilindi va ekin maydonlariga sug‘orish suvining ochilishi ta’minlandi!

📌Aholi murojaatlarini o‘z vaqtida hal etish, suv ta’minotini yanada yaxshilash hamda Kengash qarorlarining so‘zsiz bajarilishi ustidan deputatlik nazorati izchil davom ettiriladi.