Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Xalq demokratik partiyasidan saylangan deputat Y.Xolmurotov tomonidan tumanning “og‘ir toifadagi” “Baymurzayev mahallasida ichki yo‘llarni asfaltlashtirishga tayyorgarlik ishlari o‘rganildi.

O‘rganish davomida yo‘l asosini tayyorlash, eski qoplamani tozalash, yo‘l sathini tekislash, shag‘al va qum-shag‘al qatlamlarini yotqizish, suv chiqarish tarmoqlarining holati hamda qurilish ishlarining tasdiqlangan loyiha va texnik talablar asosida olib borilishi ko‘zdan kechirildi.

Deputat pudratchi tashkilot mutasaddilari, texnik nazorat va mahalla faollari bilan suhbatlashib, asfaltlashtirish ishlari sifatli va uzoq muddat xizmat qilishi uchun tayyorgarlik bosqichlarini barcha me’yoriy talablar asosida bajarish muhimligini ta’kidladi. Ayniqsa, yo‘l asosini mustahkamlash, zarur joylarda suv qochirish tizimlarini barpo etish hamda qurilish materiallarining sifatiga alohida e’tibor qaratish yuzasidan tavsiyalar berildi.