Xalq deputatlari Andijon shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi Avazbek Appaqov tomonidan Andijon shahar IIO FMB 4-son IIB bo‘limida fuqarolarga ko‘rsatilayotgan xizmatlar holati o‘rganildi.

Tashrif davomida bo‘limning pasport stolida fuqarolarning murojaatlari asosida hujjatlarni rasmiylashtirish, pasport berish tartiblari hamda aholiga yaratilgan shart-sharoitlar ko‘zdan kechirildi.

O‘rganish jarayonida fuqarolar bilan muloqot qilinib, ularga ko‘rsatilayotgan xizmatlar sifati va xodimlarning faoliyati yuzasidan fikrlari tinglandi.

Aholi vakillari tomonidan bo‘lim xodimlari faoliyati yuzasidan e’tirozlar mavjud emasligi, xizmatlar belgilangan tartib asosida tashkil etilayotgani bildirildi.

Fuqarolarga sifatli va qulay xizmat ko‘rsatishni ta’minlash masalalari doimiy deputatlik nazoratida bo‘ladi.