Xalq deputatlari Chilonzor tumani Kengashining 2026-yil 10-iyuldagi III-22-70-14-204-K/26-sonli qarori bilan Chilonzor tumani “Al-Xorazmiy” MFY hududida joylashgan 126-sonli umumta’lim maktabining bo‘sh yer maydonida qo‘shimcha 990 o‘rinli yangi umumta’lim maktabini qurish bilan bog‘liq xarajatlarni moliyalashtirish masalasi tasdiqlandi.

Mazkur qaror O‘zbekiston Respublikasi Prezidentining 2025-yil 16-dekabr kuni Toshkent shahriga tashrifi davomida berilgan topshiriqlari, Toshkent shahar hokimining 2026-yil 27-yanvardagi 41-14-0-Q/26-sonli XDFU qarori, shuningdek, Xalq deputatlari Chilonzor tumani Kengashining 2026-yil 26-yanvardagi “Chilonzor tumanining 2026-yil uchun mo‘ljallangan Biznes rejasi to‘g‘risida”gi III-17-2-14-204-K/26-sonli qarori asosida qabul qilindi.

Yangi umumta’lim maktabining barpo etilishi tumanda ta’lim infratuzilmasini yanada rivojlantirish, o‘quvchilar uchun zamonaviy va qulay ta’lim sharoitlarini yaratish hamda mavjud maktablarda o‘quv yuklamasini kamaytirishga xizmat qiladi.