Xalq deputatlari Chinoz tumani Kengashiga O'zMTDP partiyasidan 5-Paxtaobod saylov okrugidan saylangan deputat Surayyo Axmedova Kengashning ish rejasiga muvofiq tumandagi Beshkapa MFY hokim yordamchisi Mirazim Miryoqubov tomonidan amalga oshirilayotgan ishlar samaradorligini, xususan aholini kambag‘allikdan chiqarish, bandligini ta’minlash va tadbirkorlikni rivojlantirish borasidagi faoliyatni o‘rgandi.

O'rganish davomida quyidagilar aniqlandi:
Beshkapa mahalla fuqarolar yig‘inida 4 800 nafar aholi istiqomat qiladi. Shundan 18–30 yoshdagi yoshlar soni 900 nafarni tashkil etadi.

Mahallada yoshlar va ishsiz fuqarolarni bandligini ta’minlash maqsadida "Biznesga birinchi qadam" hamda kasb-hunarga o‘qitish dasturlari doirasida tizimli ishlar olib borilmoqda. Shuningdek, oilaviy tadbirkorlikni rivojlantirish, yangi ish o‘rinlarini yaratish va fuqarolarning daromadlarini oshirish maqsadida Agrobank orqali 17,5 foizli imtiyozli kreditlar ajratish imkoniyatlari mavjudligi, fuqarolarga ushbu kreditlardan samarali foydalanish bo‘yicha amaliy tavsiyalar va ko‘maklar berilayotgani ta’kidlandi.

O‘rganish yakunida aholini kambag‘allikdan chiqarish, bandlikni ta’minlash hamda tadbirkorlikni qo‘llab-quvvatlash borasidagi ishlar samaradorligini yanada oshirish yuzasidan tegishli tavsiyalar bildirildi.