Xalq deputatlari Jondor tumani Kengashi kotibiyati bosh mutaxassisi R.Murodov hamda O‘zbekiston Xalq demokratik partiyasi Jondor tuman Kengashi raisi B.Enazarovlar hamkorligida tumandagi "Ushot" mahallasida aholi bandligi masalalari holati o‘rganildi.
✔️O‘rganish jarayonida mahallada mehnatga layoqatli, ishsiz fuqarolar bilan suhbatlar o‘tkazilib, ularning doimiy ish bilan ta’minlanishi, kasb-hunarga o‘qitish, tadbirkorlikka jalb etish hamda o‘zini o‘zi band qilish imkoniyatlaridan samarali foydalanish holati tahlil qilindi.
✔️Shuningdek, mahallada aholi bandligini ta’minlash bo‘yicha mutasaddi tashkilotlar tomonidan amalga oshirilayotgan ishlar, yangi ish o‘rinlari yaratish, imtiyozli kreditlar va davlat dasturlari orqali aholi daromadini oshirishga qaratilgan chora-tadbirlarning ijrosi ham ko‘zdan kechirildi.
✔️O‘rganish davomida aniqlangan ayrim muammo va kamchiliklar yuzasidan mas’ullarga tegishli tavsiyalar berildi hamda aholi murojaatlarini manzilli hal etish, ishsiz fuqarolarni bandlik dasturlariga keng jalb qilish bo‘yicha amaliy choralarni kuchaytirish zarurligi ta’kidlandi.
✔️Xalq deputatlari Jondor tumani Kengashi tomonidan aholi bandligini ta’minlash, fuqarolarning daromad manbalarini kengaytirish va ularning ijtimoiy himoyasini mustahkamlashga qaratilgan ishlar ustidan deputatlik nazorati izchil davom ettiriladi.