Bugungi kunda aholi o‘rtasida kambag‘allik va ishsizlikni tugatish bo‘yicha izchil ishlar olib borilmoqda.

Davlatimiz siyosatida inson manfaatlari, ijtimoiy adolat tamoyillari ustuvor. Shu bois, yurtimizda aholining muayyan qatlami o‘rtasida kambag‘allikni qisqartirish bo‘yicha tizimli ishlar amalga oshirilmoqda.

Xalq deputatlari Mirzo Ulug‘bek tumani Kengashi raisi Yuldasheva Muyassar Tairovna “Mustaqillik” mahallasida “mahalla yettiligi” bilan mahallada kambag‘allikni qisqartirish va tadbirkorlikni qo‘llab-quvvatlash bo‘yicha olib borilayotgan ishlar bilan yaqindan tanishdi.

Uchrashuvda deputat mahallada kambag‘allikni qisqartirish va ishsizlikni kamaytirish uchun har bir xonadonning iqtisodiy imkoniyatini aniqlab, aholini tadbirkorlikka o‘qitish, imtiyozli kreditlar va subsidiyalar ajratish, shuningdek, kasb-hunarga yo‘naltirish orqali yangi ish o‘rinlarini yaratish zarurligini ta’kidladi.

Tashrif davomida deputat tomonidan “Mustaqillik” mahallasiga biriktirilgan bank xodimlari bilan birgalikda ish o‘rinlarini ochish va kambag‘allikni qisqartirish bo‘yicha qilinayotgan ishlar ham o‘rganildi.