🌸 XOTIN-QIZLAR MUAMMOLARI O‘RGANILDI

🏡 Xalq deputatlari Sherobod tumani Kengashining 14-Yoshlik–Nurtepa saylov okrugi deputati N. Himmatova hamda Sherobod tumani Oila va xotin-qizlar bo‘limi boshlig‘i G. Aminova hamkorligida "Nurtepa" mahallasida xotin-qizlar bilan navbatdagi ochiq muloqot uchrashuvi tashkil etildi.

🤝 Uchrashuv davomida xotin-qizlarning bandligi, oilaviy masalalari, ijtimoiy himoya, tadbirkorlikni rivojlantirish hamda kundalik hayotda uchrayotgan dolzarb muammolari yuzasidan murojaat va takliflar tinglandi.

📋 Bildirilgan murojaatlar joyida o‘rganilib, ularni ijobiy hal etish yuzasidan tegishli mas'ullarga tavsiyalar berildi hamda ijrosi nazoratga olinishi ta'kidlandi.

💬 Ochiq muloqot davomida xotin-qizlarni har tomonlama qo‘llab-quvvatlash, ularning huquq va manfaatlarini himoya qilish, bandligini ta'minlash hamda muammolarini tizimli hal etish borasida amalga oshirilayotgan ishlar haqida ham batafsil ma'lumot berildi.

🌿 Bunday uchrashuvlar aholining murojaatlarini bevosita joyiga chiqib o‘rganish, mavjud muammolarga amaliy yechim topish hamda davlat organlari va fuqarolar o‘rtasidagi samarali hamkorlikni yanada mustahkamlashga xizmat qiladi.