Aholining sanitariya-epidemiologik osoyishtaligi – sog‘lom turmush va xavfsiz hayotning muhim omili

O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonuni aholi salomatligini muhofaza qilish, sanitariya-epidemiologik barqarorlikni ta’minlash hamda yuqumli va ommaviy kasalliklarning oldini olishga qaratilgan muhim normativ-huquqiy hujjatlardan biridir.

Mazkur Qonun Qonunchilik palatasi tomonidan 2015-yil 15-iyulda qabul qilingan hamda Senat tomonidan 2015-yil 6-avgustda ma’qullangan.
Qonunning asosiy maqsadi fuqarolarning sog‘lig‘ini saqlash, qulay yashash muhitini yaratish, sanitariya qoidalari va gigiyena me’yorlariga rioya etilishini ta’minlash, shuningdek, sanitariya-epidemiologik osoyishtalikni buzishi mumkin bo‘lgan omillarning oldini olishdan iborat.

Mazkur Qonunga muvofiq:

🔹 fuqarolarning sanitariya-epidemiologik osoyishtalik sohasidagi huquqlari va qonuniy manfaatlari himoya qilinadi;
🔹 davlat organlari tomonidan sanitariya-epidemiologik nazorat tizimi samarali tashkil etiladi;
🔹 yuqumli va parazitar kasalliklarning oldini olish, ularni erta aniqlash hamda tarqalishiga yo‘l qo‘ymaslik bo‘yicha profilaktik tadbirlar amalga oshiriladi;
🔹 oziq-ovqat mahsulotlari, ichimlik suvi, ta’lim va tibbiyot muassasalari, ishlab chiqarish korxonalari hamda boshqa obyektlarda sanitariya talablari bajarilishi nazorat qilinadi;
🔹 atrof-muhitning sanitariya holatini yaxshilash, ekologik xavfsizlikni ta’minlash va sog‘lom turmush tarzini keng targ‘ib etish bo‘yicha chora-tadbirlar ko‘riladi;
🔹 korxonalar, muassasalar, tashkilotlar va fuqarolarning sanitariya qoidalariga rioya etish borasidagi huquq va majburiyatlari belgilab beriladi.

Sanitariya-epidemiologik osoyishtalikni ta’minlash davlat organlari, tashkilotlar va fuqarolarning o‘zaro hamkorligini talab etadi. Har bir fuqaroning shaxsiy gigiyena qoidalariga amal qilishi, yashash va mehnat joylarida tozalikni saqlashi, belgilangan sanitariya talablariga rioya etishi jamiyat salomatligini mustahkamlashga xizmat qiladi.

Sog‘lom muhitni yaratish, kasalliklarning oldini olish va aholining hayot sifatini oshirish yo‘lida mazkur Qonun muhim huquqiy asos bo‘lib xizmat qiladi. Sanitariya madaniyatini yuksaltirish esa har birimizning fuqarolik burchimiz va sog‘lom kelajak uchun qo‘shayotgan munosib hissamizdir.