Aholini ijtimoiy qo‘llab-quvvatlash tizimi yangilanmoqda

Aholini davlat tomonidan ijtimoiy qoʻllab-quvvatlash tartibini tubdan takomillashtirish toʻgʻrisida

O‘zbekiston Respublikasi Prezidentining qaroriga muvofiq, aholiga davlat tomonidan ko‘rsatiladigan ijtimoiy yordamlar tizimi tubdan takomillashtiriladi.

⌛ “Ijtimoiy karta” joriy etiladi
Endilikda barcha ijtimoiy to‘lovlar, subsidiyalar va xizmatlar yagona “Ijtimoiy karta” orqali taqdim etiladi.

⌛ Ortiqcha hujjatlar bekor qilinadi
Fuqarolar ijtimoiy yordam olish uchun hujjat to‘plashi shart bo‘lmaydi — tizim avtomatik ishlaydi.

⌛ Yordamlar manzilli va tez yetkaziladi
Ijtimoiy qo‘llab-quvvatlash masofadan turib, qisqa muddatda va proaktiv tarzda amalga oshiriladi.

⌛ 2026-yildan yangi imkoniyatlar

🔹 Nogironlik, talabalik kabi maqomlar elektron shaklga o‘tadi
🔹 Qog‘oz guvohnomalar bekor qilinadi
🔹 Ijtimoiy reestrdagi oilalarga QQS (keshbek) qaytariladi

⌛ Imtiyozlar ham karta orqali
Transport, ijtimoiy obyektlar va boshqa xizmatlardan foydalanishdagi imtiyozlar ham “ijtimoiy karta”ga o‘tkaziladi.

⌛ Pensiyalar ham karta orqali beriladi
2026-yildan boshlab fuqarolar o‘z xohishiga ko‘ra pensiyani ijtimoiy karta orqali olishlari mumkin.