Murojaatlar daftari yuritilishi va ijtimoiy xizmatlar to‘g‘risidagi qonun yuzasidan o‘rganish o‘tkazildi

Xalq deputatlari Termiz tuman Kengashi mutaxassisi Abdullayeva Komila Fayzullayevna tomonidan 1-Xalqobod saylov okrugidagi “Orol” mahallasida murojaatlar daftari yuritilish holati joyiga chiqib o‘rganildi.

O‘rganish davomida murojaatlar daftari yuritilishining amaldagi tartiblarga muvofiqligi, fuqarolar murojaatlarining o‘z vaqtida qayd etilishi va ijro jarayonlari ko‘zdan kechirildi. Aniqlangan holatlar yuzasidan tegishli tavsiya va tushuntirishlar berildi.

Shuningdek, mahalla mas’ullari bilan O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonuni yuzasidan savol-javob tarzida muloqot o‘tkazildi.

Muloqot davomida qonunning mazmun-mohiyati, unda belgilangan normalarning amaliyotdagi qo‘llanilishi hamda ijtimoiy ehtiyojmand fuqarolarga ko‘rsatilayotgan xizmatlar yuzasidan ishtirokchilarning bilim va xabardorlik darajasi o‘rganildi.