Yangi maktabgacha ta’lim muassasasi qurilishi deputat nazoratida
Xalq deputatlari tuman Kengashi deputati B.Mirzabekov hamda tuman hokimining birinchi o‘rinbosari A.Meliboyev tomonidan Saroy mahalla fuqarolar yig‘ini hududida yangidan barpo etilayotgan maktabgacha ta’lim muassasasi qurilish ishlarining borishi o‘rganildi.
O‘rganish davomida qurilish ishlarining sifati, belgilangan loyiha talablariga rioya qilinishi, qurilish materiallarining sifati, ob’yektning belgilangan muddatlarda foydalanishga topshirilishi hamda qurilish jarayonida mehnat xavfsizligi talablariga amal qilinishi yuzasidan atroflicha tahlil olib borildi.
Shuningdek, mutasaddi tashkilotlar va pudratchi vakillari bilan suhbat o‘tkazilib, aniqlangan ayrim masalalarni o‘z vaqtida bartaraf etish, qurilish ishlarini sifatli va jadal sur’atlarda davom ettirish bo‘yicha tegishli tavsiya va topshiriqlar berildi.