O‘zbekiston Respublikasi Prezidenti Shavkat Mirziyoyevning Belarus Respublikasiga amalga oshirayotgan rasmiy tashrifi doirasida Prezidentlar Shavkat Mirziyoyev va Aleksandr Lukashenko o‘rtasida bo‘lib o‘tgan norasmiy uchrashuv, shuningdek, Hududlararo forum yakunlari mamlakatlarimiz o‘rtasidagi strategik sheriklik munosabatlarini yangi bosqichga olib chiqishga xizmat qiladi.
🌏Ayniqsa, hududlar va ishbilarmon doiralar o‘rtasidagi hamkorlikni kengaytirishga qaratilgan kelishuvlar iqtisodiy aloqalarni mustahkamlash, investitsiyalarni jalb etish, yangi qo‘shma loyihalarni amalga oshirish hamda eksport salohiyatini oshirish uchun muhim zamin yaratadi.
🌏Biz, mahalliy Kengash deputatlari sifatida, davlatimiz rahbari olib borayotgan ochiq va pragmatik tashqi siyosat natijalari hududlar rivoji, yangi ish o‘rinlari yaratish va aholi farovonligini oshirishga xizmat qilishiga ishonamiz. Xalqaro hamkorlikni kengaytirish orqali hududlarda zamonaviy ishlab chiqarishlarni yo‘lga qo‘yish va tadbirkorlikni qo‘llab-quvvatlash bo‘yicha yangi imkoniyatlar yuzaga kelmoqda.
🌏Shu bois, Belarus bilan o‘zaro manfaatli hamkorlikni yanada rivojlantirishga qaratilgan ushbu tashrif yakunlari mamlakatimiz iqtisodiy taraqqiyoti va hududlarimizning barqaror rivojlanishiga munosib hissa qo‘shadi.