Fuqarolar bilan ochiq muloqot va hududdagi muammolar o‘rganildi

Xalq deputatlari Termiz tuman Kengashi 4 Yangi hayot saylov okrugi deputati G. Shafoatova hamda Kengash kotibiyati mutaxassislari K. Abdullayeva va T. Murodov ishtirokida Yangi hayot va Uchqizil mahalla fuqarolar yig‘inlari hududlarida fuqarolar bilan ochiq muloqotlar o‘tkazildi.

Uchrashuvlar davomida aholi tomonidan bildirilgan murojaat va takliflar tinglanib, ularni hal etish yuzasidan tegishli chora-tadbirlar belgilandi.

Shuningdek, hududlarda elektr ta’minotini yaxshilash borasida amalga oshirilayotgan ishlar yuzasidan fuqarolarning fikr-mulohazalari o‘rganildi hamda mavjud muammolar bo‘yicha mas’ullarga tegishli tavsiyalar berildi.

Bunday uchrashuvlar aholi bilan doimiy muloqotni ta’minlash, mavjud muammolarni joyida o‘rganish va ularning yechimiga ko‘maklashish maqsadida izchil davom ettirilmoqda.