Xalq deputatlari Buloqboshi tuman Kengashi deputati Karimov Shamsiddin Boymirzayenvich 2026 yilning II-choragi yakunlari bo‘yicha o‘zi saylangan 17-Sharq Yulduzi okrugidagi Sharq Yulduzi mahallasida saylovchilar bilan uchrashuv o‘tkazdi.

Uchrashuvda tuman hokimining o‘rinbosari va mas’ul xodimlari, Tuman gaz ta’minoti, elektr ta’minoti, suv oqava hamda avtoyo‘l davlat tashkilotlari, kambag‘allikni qisqartirish va bandlikka ko‘maklashish bo‘limi, Inson ijtimoiy xizmati agentligi, mahalla yettiligi xodimlari ishtirok etdi. Uchrashuv davomida deputatning o‘tgan chorak mobaynida tumanda hamda o‘zi saylangan okrugi xududida amalga oshirilgan ishlar hamda kelgusida olib boriladigan rejalari yuzasidan axboroti eshitildi.

Shuningdek, saylovchilarning fikrlari va takliflari ham uchrashuv davomida eshitildi. Jumladan, mahalla xududida nosoz beton tayanchlar va transformatorlar mavjudligi fuqarolar tomonidan aytib o‘tildi. Elektr ta’minoti korxonasi xodimi tomonidan ko‘rsatib o‘tilgan ko‘chalarda o‘rganish ishlari olib borildi va transformator ta’mirlash ishlari, beton tayanchlarni qayta o‘rnatish ishlari boshlandi.

Shu kabi murojaatlar Suvoqava va Gazta’minot idoralari mas’ul xodimlariga ham kelib tushdi. Mutaxassislar tomonidan o‘rganish ishlari olib borilishi tashkil qilindi.

| Web.sayt |Telegram | Facebook | Youtube | Instagram |