Deputatlar tomonidan elektr ta’minoti korxonasi faoliyati o‘rganildi

Xalq deputatlari Termiz tuman Kengashi deputatlari tomonidan hududlarda deputatlarga biriktirilgan tashkilotlar faoliyatini o‘rganish maqsadida Termiz tuman elektr ta’minoti korxonasida o‘rganish ishlari olib borildi.

O‘rganish davomida korxonaning joriy faoliyati, aholiga ko‘rsatilayotgan xizmatlar sifati, murojaatlar bilan ishlash tizimi hamda amaldagi qonunchilik hujjatlarining ijrosi yuzasidan tahlillar o‘tkazildi.

Shuningdek, korxona xodimlari o‘rtasida O‘zbekiston Respublikasining "Energiyani tejash, undan oqilona foydalanish va energiya samaradorligini oshirish to‘g‘risida"gi Qonuni mazmun-mohiyatini keng targ‘ib etish maqsadida savolnoma va tushuntirish ishlari tashkil etildi. Mazkur Qonun 2024-yil 9-iyulda Qonunchilik palatasi tomonidan qabul qilinib, 2024-yil 10-iyulda Senat tomonidan ma’qullangan bo‘lib, energiya resurslaridan samarali foydalanish, isrofgarchilikning oldini olish hamda energiya samaradorligini oshirishning huquqiy asoslarini belgilaydi.

Bunday o‘rganish va targ‘ibot tadbirlari davlat organlari hamda tashkilotlarda qonun hujjatlarining ijrosini ta’minlash, energiya resurslaridan oqilona foydalanish madaniyatini yuksaltirish va sohada mas’uliyatni yanada oshirishga xizmat qiladi.