Mazkur qaror ijrosi doirasida mahalla infratuzilmasini zamonaviy talablar asosida rivojlantirish, hudud qiyofasini yanada obod etish hamda aholi uchun qulay va munosib turmush sharoitlarini yaratishga qaratilgan keng ko‘lamli bunyodkorlik ishlari bosqichma-bosqich amalga oshirilmoqda.
Bugungi kunda mahallada yo‘l infratuzilmasini yaxshilash ishlari jadallik bilan olib borilmoqda. Jumladan, tuman Yo‘llardan foydalanish davlat muassasasi xodimlari tomonidan mahalla hududidan o‘tuvchi D169 avtomobil yo‘lining 30-33 kilometr oraliq qismida  ta’mirlash ishlari olib borilmoqda.
Ayni paytda asfalt qoplamasini yotqizishdan oldin yo‘l qatlamini maxsus texnikalar yordamida tekislash, mustahkamlash va sifat talablariga mos holatga keltirish ishlari davom etmoqda. Mazkur ishlar yakunlangach, yo‘lga zamonaviy asfalt qoplamasi yotqizilib, transport vositalari hamda piyodalar harakati uchun yanada qulay va xavfsiz sharoit yaratiladi.