Xalq deputatlari Bag‘dod tumani Kengashining "7-Yo‘ldashobod" saylov okrugi deputati M.Dehqonovning tashabbusi va bevosita ko‘magi bilan "Xo‘jaqishloq" mahalla fuqarolar yig‘inidagi uzoq yillar bo‘sh turgan bino to‘liq ta’mirlanib, zamonaviy tikuvchilik sexi tashkil etildi.

Mazkur loyiha natijasida mahalladagi 20 ga yaqin xotin-qizning doimiy bandligi ta’minlanib, ularning daromad manbaiga ega bo‘lishi uchun qulay sharoit yaratildi. Bu esa xotin-qizlarni qo‘llab-quvvatlash, ularning tadbirkorlik va mehnat faoliyatini rivojlantirish borasidagi amaliy ishlarning yana bir yorqin namunasi bo‘ldi.

Bugun tikuvchilik sexining tantanali ochilish marosimi bo‘lib o‘tdi. Unda Bag‘dod tumani hokimi M.Isaqov, Xalq deputatlari Bag‘dod tumani Kengashi deputati M.Dehqonov hamda Kengash kotibiyati mudiri G‘.Abdullayev ishtirok etib, yaratilgan sharoitlar bilan tanishdilar hamda ushbu loyiha mahalladagi xotin-qizlar bandligini ta’minlash va ularning turmush farovonligini oshirishga xizmat qilishini alohida ta’kidladilar.

✅ Bunday tashabbuslar mahallalarda yangi ish o‘rinlarini yaratish, aholi bandligini ta’minlash va ijtimoiy-iqtisodiy rivojlanishni jadallashtirishga munosib hissa qo‘shmoqda.