Xalq deputatlari Bag‘dod tumani Kengashining "4-Matqulobod" saylov okrugi deputati G.Usmonova, Kengash kotibiyati mudiri G‘.Abdullayev hamda kotibiyat bosh mutaxassisi A.Ismoilovlar tomonidan "Matqulobod" mahalla fuqarolar yig‘inida joylashgan 15-umumiy o‘rta ta’lim maktabida 2026–2027-yillar kuz-qish mavsumiga tayyorgarlik holati joyiga chiqib o‘rganildi.

🔍 O‘rganish davomida ta’lim muassasasining isitish tizimi, qozonxona faoliyati, issiqlik ta’minoti, eshik va derazalarning holati hamda kuz-qish mavsumini betalafot o‘tkazish bo‘yicha amalga oshirilayotgan tayyorgarlik ishlari atroflicha ko‘zdan kechirildi.

Shuningdek, maktabda o‘quvchi-yoshlarning jismoniy tarbiya va sport bilan muntazam shug‘ullanishi uchun yaratilgan shart-sharoitlar, sport maydonchalari, sport jihozlari hamda to‘garaklar faoliyati ham o‘rganilib, mavjud imkoniyatlardan samarali foydalanish holati tahlil qilindi.

Ma’lumki, Xalq deputatlari Bag‘dod tumani Kengashi deputatlari tomonidan hududdagi ijtimoiy soha obyektlarida 2026–2027-yillar kuz-qish mavsumiga puxta tayyorgarlik ko‘rish, ayniqsa avvalgi mavsumlarda isitish tizimida muammolar kuzatilgan muassasalardagi mavjud holatni o‘rganish bo‘yicha monitoring ishlari izchil amalga oshirilmoqda.