Xalq deputatlari Bag‘dod tumani Kengashining "4-Matqulobod" saylov okrugi deputati G.Usmonova, Kengash kotibiyati mudiri G‘.Abdullayev hamda kotibiyat bosh mutaxassisi A.Ismoilovlar tomonidan "Matqulobod" mahalla fuqarolar yig‘inining Yuksak ko‘chasida joyiga chiqib o‘rganish ishlari olib borildi.

🔍 O‘rganish davomida Yuksak ko‘chasining ichki yo‘l qismi ko‘zdan kechirilib, mazkur hududdagi 300 metr yo‘lni asfalt qoplamasi bilan ta’minlash zarurligi aniqlandi. Mavjud holat aholi uchun harakatlanishda noqulayliklar tug‘dirayotgani hamda yo‘l infratuzilmasini yaxshilash bo‘yicha amaliy choralar ko‘rish lozimligi qayd etildi.

Aniqlangan muammo deputatning “Ko‘chama-ko‘cha yurish” daftariga belgilangan tartibda qayd etildi.

Mazkur masalani ijobiy hal etish maqsadida tegishli mutasaddi tashkilotlarga deputat so‘rovi yuborilishi belgilandi hamda yo‘lni asfaltlashtirish masalasi deputat nazoratiga olindi.