SESSİYA QARORİ AMALDA: UZUN TUMANİDA YOSHLARNİNG YOZGİ TA’TİLİ QANDAY TASHKİL ETİLMOQDA?

Xalq deputatlari Uzun tumani Kengashining 2026-yil 2-iyuldagi VII-17-40-8-118-K/26-sonli sessiya qarori ijrosini ta’minlash hamda tumanda “Dolzarb 90 kun” tadbirlari doirasida yoshlarning yozgi ta’til davridagi bo‘sh vaqtini mahallalar va umumta’lim maktablarida mazmunli hamda samarali tashkil etish borasidagi ishlar qat’iy nazoratga olingan.
Mazkur sessiya qarorida belgilangan vazifalarning hayotga tatbiq etilish holatini joyiga chiqqan holda o‘rganish maqsadida, Xalq deputatlari Uzun tumani Kengashi kotibiyat mudiri O‘.Rajabov hamda deputat D.Yodgorova tomonidan tumandagi bolalar va o‘smirlar sport maktabida (BO‘SM) o‘rganishlar olib borildi.

O‘rganishlar davomida Kengash qaroriga muvofiq quyidagi yo‘nalishlarga alohida e’tibor qaratildi:

Sport to‘garaklarining faoliyati: Yoz mavsumida o‘quvchi-yoshlarning sport turlariga qamrab olinganlik darajasi va murabbiylarning dars o‘tish jarayonlari;

Shart-sharoitlar: Sport zallari, maydonchalar va kerakli sport jihozlarining shayligi, xavfsizlik choralarining ko‘rilganligi;

Mahalla yoshlari qamrovi:

Sport maktabiga yaqin bo‘lgan mahallalardagi uyushmagan va vaqtincha band bo‘lmagan yoshlarning bo‘sh vaqtini unumli o‘tkazish uchun yaratilgan imkoniyatlar.

O‘rganish yakunlari bo‘yicha sport maktabi rahbariyati va mas’ul murabbiylarga sessiya qarori talablaridan kelib chiqib, yoshlar qamrovini yanada oshirish hamda mahallalardagi “Yoshlar yetakchilari” bilan hamkorlikni kuchaytirish yuzasidan tegishli ko‘rsatmalar berildi.