Xalq deputatlari Andijon shahar Kengashi deputati Marifjon Buvabekov Andijon Abu Ali ibn Sino nomidagi jamoat salomatligi texnikumida bitiruvchilar bilan ochiq muloqot o‘tkazdi.

Tadbirda Andijon shahar hokimining yoshlar masalalari bo‘yicha o‘rinbosari Sh.Shokirov, texnikum rahbariyati, shahar tibbiyot muassasalari vakillari hamda 100 nafarga yaqin bitiruvchilar qatnashdi.

Ochiq muloqot davomida bitiruvchilarning ishga joylashish, kasbiy faoliyatini boshlash hamda bandligini ta'minlash bilan bog‘liq murojaat va takliflari tinglandi. Bildirilgan masalalar tegishliligiga ko‘ra mas'ul rahbarlar va tibbiyot muassasalari vakillariga biriktirilib, ularning ijrosini ta'minlash bo‘yicha zarur choralar belgilandi.

Yoshlarning bandligini ta'minlash, ularni munosib ish o‘rinlariga yo‘naltirish hamda murojaatlarini o‘z vaqtida hal etish masalalari doimiy e'tiborda bo‘lishi ta'kidlandi.