Халқ депутатлари Миробод туман Кенгашидаги 2-Фаровон сайлов округи депутати Г.Умарова ҳафталик иш режасига мувофиқ «Ат-Термизий» маҳалласида бўлиб, навбатдаги ўрганиш ишларини ўтказди.
🗣️ Ўрганиш давомида депутат дастлаб маҳалла раиси билан учрашиб, 24 тавсиявий саволнома ва доимий комиссиялар 19.1- модда асосида ҳудуддаги вазият ва мавжуд ҳолатни атрофлича таҳлил қилди.

🗣️ Ўз сайловчилари билан доимий мулоқотда бўлган Г.Умарова аҳоли томонидан билдирилган мурожаат ва масалаларни ўрнатилган тартибда, «намунавий» депутатлик дафтарига мувофиқ тўлдириб, расмийлаштирди. Шунингдек, маҳалла раиси билан ташкилий масалалар доирасида «маҳалла еттилиги» фаолияти самарадорлиги алоҳида муҳокама қилинди.

🗣️ Ҳудуддаги ўрганишлар давомида аҳоли мурожаатлари бўйича еттилик доирасида ҳал этилмаётган мураккаб ва тизимли масалалар аниқлаб олинди. Ушбу муаммоларни депутатлик сўрови ёрдамида юқори ташкилотлар даражасида ҳал этиш чораларини кўриш бўйича ўзаро келишиб олинди.

📌 Халқ депутати Г.Умарова маҳалла аҳлини қийнаётган ҳар бир масалани ўз ваколати доирасида ҳал этишга, зарур ҳолларда тегишли идораларга қатъий депутатлик сўровлари юбориш орқали фуқаролар муаммоларига ижобий ечим топишга тайёрлигини билдирди.