«ПОДШО ОТА» СОЙИДА СУНЪИЙ КЎЛ — ТУРИЗМ УЧУН ЯНГИ ИМКОНИЯТЛАР
Сўнгги йилларда Янгиқўрғон туманининг Нанай, Мамай, Заркент ва Қизилёзи маҳаллаларида туристик салоҳиятни янада ошириш, замонавий дам олиш масканларини ташкил этишга алоҳида эътибор қаратилмоқда.
Амалга оширилаётган лойиҳалар туманга ташриф буюрувчи маҳаллий ва хорижий сайёҳлар сонининг ортиши, янги иш ўринлари яратилиши ҳамда аҳоли даромадларининг кўпайишига хизмат қилади.
Хусусан, Қизилёзи маҳалласи ҳудудидан оқиб ўтувчи «Подшо ота» сойида замонавий сунъий кўл барпо этиш, пиёдалар йўлакчасини қуриш ҳамда қуёш панеллари орқали ишловчи ёритиш чироқларини ўрнатиш ишлари амалга оширилмоқда.
💰 Лойиҳанинг умумий қиймати 9,5 миллиард сўмни ташкил этади.
Мазкур лойиҳа Ўзбекистон Республикаси Президентининг 2026 йил 5 февралдаги «2026 йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида»ги ПҚ–49-сонли қарори асосида амалга оширилмоқда.
Туман ҳокими, Халқ депутатлари Янгиқўрғон тумани Кенгаши депутати А. Нажмиддинов объектда бўлиб, амалга оширилаётган ишлар ҳамда лойиҳа доирасида яратиладиган имкониятлар билан танишди.
Мутасаддилар билан лойиҳани сифатли амалга ошириш, ҳудудда сайёҳлар учун замонавий ва хавфсиз шароитлар яратиш юзасидан фикр алмашилиб, масъулларга тегишли топшириқ ва кўрсатмалар берилди.