#tavsiyalar_asosida

Xalq deputatlari Buxoro viloyati Kengashi deputati I. Ismatov, shahar Kengashi deputati Sh. Isamutdinov hamda mutaxassislar I. Ikromov va Z. Temirovalar “Saxovat” dehqon bozori atrofiga chiqib, hududdagi obodonlashtirish, tozalik va qurilish ishlari holatini o‘rgandilar.

O‘rganish davomida bozor atrofining sanitariya holati, piyodalar uchun yaratilgan qulayliklar hamda davom etayotgan qurilish ishlarining tartibli tashkil etilishiga alohida eʼtibor qaratildi. Ayrim hududlarda qurilish materiallarini tartibli joylashtirish, chiqindilarni o‘z vaqtida olib chiqish va atrof-muhit ozodaligini saqlash zarurligi qayd etildi.

Fuqarolar va tadbirkorlar bilan bo‘lib o‘tgan muloqotlarda hududni yanada obod qilish, bozor atrofiga ko‘rk bag‘ishlash hamda aholi uchun qulay muhit yaratish yuzasidan takliflar bildirildi. Mutasaddilarga mavjud kamchiliklarni bartaraf etish, tozalik ishlarini kuchaytirish va qurilish jarayonlarini belgilangan tartib asosida olib borish bo‘yicha tegishli tavsiyalar berildi.

Shuningdek, bozor atrofi yanada zamonaviy va tartibli maskanga aylanishi uchun bu boradagi ishlar izchil davom ettirilishi taʼkidlandi.

Telegram
Instagram
Facebook
Youtube
E-kengash