Deputat sorawı nátiyje berdi.

📌 Puqaralardıń múrájatların óz waqtında kórip shıǵıw hám bar mashqalalarǵa ámeliy sheshim tabıw jolında Xalq deputatlari Moynaq rayonlıq Keńesine, ÓzLiDep nan deputat M.Abubakirov tárepinen gezektegi unamlı jumıs ámelge asırıldı.

Atap aytqanda, «Madeli» awıl puqaralar jıyını aymaǵınadaǵı Shege awılı menen Porlıtaw awılın tutastırwshı avtomobil jolına ońlaw jumısları júrgizilmedi. Bul avtomobil jolınıń házirgi kúnde derlik jaramsız awhalǵa kelip qalǵanı sol jerde jasap kiyatırǵan puqaralar ushın ashınarlı jaǵday bolıp qalǵanı boyınsha puqaralar tárepinen múrájat bildirilgen.

Mashqalanı saplastırıw maqsetinde deputat tárepinen, rayonlıq Jollardan paydalanıw mámleketlik mákemesine deputatlıq soraw jiberildi.

✅ Nátiyjede házirgi kúnde joldıń usı bóleginde Shege-Porlataw avtomobil jolınıń 9 km. aralıq qara qaplamalı asfalt tósew jumısları baslanıw aldında. Házirgi waqıtta bul process ushın zárúr tayarlıq jumısları baslap jiberilgen.

Bul jolǵa derlik 40 jıl dawamında jeterli itibar qaratılmaǵan. Waqıt ótiwi menen joldıń qatnaw bólegi jaramsız jaǵdayǵa kelip, oylar kóbeygen hám háreketleniw qıyınlasqan edi.
Jaqın kúnlerde usı aymaq turǵınları hám jolawshılar ushın:
▫️ qáwipsiz;
▫️ qolaylı;
▫️ zamanagóy jol sharayatı jaratıladı.

Bul jumıslar tek ǵana jol infrastrukturasın jaqsılap qoymastan, al aymaq xalqınıń turmıs abadanlıǵın arttırıwǵa da xızmet etedi.