Xalıq deputatları Bozataw rayonlıq Keńesiniń Jergilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyası tárepinen gezektegi jıynalıs ótkerildi.
Jıynalısta turaqlı komissiya baslıǵı hám komissiya aǵzaları qatnasıp, jıl basınan beri komissiyaǵa tiyisli qararlardıń orınlanıwı hám olardıń qadaǵalanıwı boyınsha pikir-almasıwlar alıp bardı.

Jıynalısta qabıl etilgen qararlar tiykarında ámelge asırılǵan jumıslar, deputatlıq qadaǵalawınıń nátiyjeleri hám aldaǵı wazıypalar keńnen sóz etildi.
Sonıń menen birge, komissiya jumısların jáne de jetilistiriw, qararlardıń orınlanıwın sistemalı túrde baqlap barıw hám ekonomikalıq reformalardıń ámelge asırılıwında deputatlıq qadaǵalawdı kúsheytiw máselelerine ayrıqsha itibar qaratıldı.

Komissiya aǵzaları tárepinen birqansha usınıslar bildirildi hám aldaǵı waqıtlarda ámelge asırılatuǵın jumıslar boyınsha wazıypalar belgilenip alındı.
Jıynalıs ashıq hám erkin pikir almasıw túrinde ótip, keleshektegi jumıslardı nátiyjeli shólkemlestiriw boyınsha kelisip alındı.