Xalq deputatlari Jondor tumani Kengashi deputatlari tomonidan Jondor tumanida 2026 yilgi “Mening bog‘im” loyihasi doirasida g‘olib deb topilgan “Yashil bog‘” loyihasi bilan tanishildi.
O‘rganish jarayonida mazkur loyihani Oydug‘di mahallasi markazida barpo etish masalalari muhokama qilinib, aholi uchun qulay va zamonaviy dam olish hududini tashkil etish yuzasidan takliflar ko‘rib chiqildi. Xususan, hududni ko‘kalamzorlashtirish, bolalar o‘yin maydonchalari, yoritish tizimi hamda aholiga munosib sharoit yaratish bo‘yicha fikr-mulohazalar bildirildi.
Deputatlar tomonidan loyihani amalga oshirishda mahalla aholisi fikri va ehtiyojlarini inobatga olish muhimligi ta’kidlanib, “Yashil bog‘” kelgusida fuqarolarning madaniy hordiq chiqarishi uchun xizmat qiladigan zamonaviy maskanga aylanishi qayd etildi.
Shuningdek, loyihani sifatli va o‘z vaqtida amalga oshirish yuzasidan mutasaddi tashkilotlarga tegishli taklif va tavsiyalar berildi.