Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq “Xo‘jakent” mahalla fuqarolar yig‘ini bo‘yicha hokim yordamchisi R.Amanov faoliyati xalq deputatlari Bo‘stonliq tumani Kengashi kotibiyati mudiri J.Sadirov va kotibiyat xodimi M.Tursunbayeva tomonlaridan o‘rganildi.

🔵O‘rganish jarayonida hokim yordamchisi tomonidan aholi bandligini ta’minlash, oilalarni tadbirkorlikka jalb qilish, imtiyozli kredit va subsidiyalar ajratish, tomorqadan samarali foydalanish hamda kambag‘allikni qisqartirish bo‘yicha amalga oshirilayotgan ishlar tahlil qilindi.

🔵Shuningdek, ijtimoiy daftarlarga kiritilgan fuqarolar bilan ishlash holati, ularning daromad manbaini yaratish hamda ijtimoiy qo‘llab-quvvatlash borasidagi chora-tadbirlar muhokama etildi. Hokim yordamchisi tomonidan amalga oshirilgan ishlar yuzasidan ma’lumotlar olinib, mavjud muammo va takliflar ko‘rib chiqildi. Tadbirkorlikka qiziquvchi fuqarolarni qo‘llab-quvvatlash, yangi ish o‘rinlari yaratish va aholi daromadini oshirish bo‘yicha ishlarni yanada kuchaytirish yuzasidan tegishli tavsiyalar berildi.

🔵Shu bilan birga, mahalla infratuzilmasini rivojlantirish maqsadida mahalladagi Mirzaobod ko‘chasining 600 metr qismini asfaltlashtirish, 14 beton stolbalarni o‘rnatish hamda 2 ta ikki qavatli uy-joylarni ta’mirlash bo‘yicha ishlab chiqilgan takliflar yuzasidan mahalla raisi bilan suhbatlashildi.

 🔵Mahalladagi mavjud muammolarni bartaraf etish, hokim yordamchisi faoliyati samaradorligini oshirish va aholi muammolarini tizimli hal etish masalalari deputat tomonidan nazoratga olinishi ma’lum qilindi.