Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq tumanida aholini ijtimoiy qo‘llab-quvvatlash, ehtiyojmand oilalar muammolarini hal etish hamda ijtimoiy xizmatlar samaradorligini oshirish maqsadida xalq deputatlari tuman Kengashi kotibiyati mudiri J.Sadirov va kotibiyat xodimi M.Tursunbayeva tomonlaridan tumanning “Xumson” mahallasiga biriktirilgan ijtimoiy xodim L.Musayev faoliyati o‘rganildi.

🔵O‘rganish jarayonida ijtimoiy xodim tomonidan ehtiyojmand, nogironligi bo‘lgan shaxslar, yolg‘iz keksalar, boquvchisini yo‘qotgan oilalar hamda ijtimoiy himoyaga muhtoj fuqarolar bilan olib borilayotgan ishlar tahlil qilindi. Shuningdek, “Ijtimoiy himoya yagona reyestri”ga kiritilgan 40 nafar fuqarolar holati, ularga ajratilayotgan nafaqa va moddiy yordamlar, ijtimoiy xizmatlarni manzilli tashkil etish masalalari muhokama qilindi.

🔵Suhbat davomida aholi murojaatlarini o‘z vaqtida o‘rganish, har bir ehtiyojmand oilaning holatidan doimiy xabardor bo‘lish va ularning muammolarini hal etishda amaliy yordam ko‘rsatish muhim ekanini ta’kidladi. Shu bilan birga, fuqarolarni kasb-hunarga o‘qitish, bandligini ta’minlash va ijtimoiy ko‘makka muhtoj oilalarni qo‘llab-quvvatlash borasida amalga oshirilayotgan ishlar yuzasidan fikr almashildi.

🔵Shuningdek mahalla raisi bilan muloqot o‘tkazib, mahalla infratuzilmasini rivojlantirish maqsadida:
     78 ta beton stolbalar o‘rnatish;
     2,2 km ichki yo‘llarni asfaltlashtirish;
     ichimlik suvi rezervuarini qayta qurish;
     davlat maktabgacha ta’lim tashkilotini tashkil qilish bo‘yicha takliflari muhokama qilindi.

🔵Mahallada ijtimoiy himoya tizimi samaradorligini oshirish va aholining ijtimoiy muammolarini hal etish masalalari deputat tomonidan nazoratga olinishi ma’lum qilindi.