Puqaralardıń múrájatların óz waqtında kórip shıǵıw hám bar mashqalalarǵa ámeliy sheshim tabıw jolında Xalıq deputatları Taxtakópir rayonlıq Keńesi sekretariatı baslıǵı T.Jusupov tárepinen gezektegi unamlı jumıs ámelge asırıldı.
Atap aytqanda, "A.Adilov" APJ nan rayon orayına alıp barıwshı asfalt joldıń máhálle aymaǵınan ótiwshi bólegi jawın-shashınnan soń jaramsız jaǵdayǵa kelip, xalıqtıń háreketleniwinde bir qatar qıyınshılıqlardı júzege keltirip atırǵanlıǵı boyınsha puqaralar tárepinen múrájat bildirilgen.
Mashqalanı saplastırıw maqsetinde deputat tárepinen, rayonlıq Jollardan paydalanıw mámleketlik mákemesine deputatlıq soraw jiberildi.
✅ Nátiyjede házirgi kúnde joldıń usı bóleginde ońlaw hám tiklew jumısları alıp barılmaqta.
Puqaralardıń mápin gózlegen bunday ámeliy háreketler tek ǵana mashqalalardıń sheshimine xızmet etip qoymastan, al xalıqtıń mámleketlik uyımlardıń jumısına bolǵan isenimin bekkemlemekte