Xotin-qizlarni
tizimli qo‘llab-quvvatlash, ularning salomatligini tiklash, bandligini
ta’minlash va og‘ir ijtimoiy vaziyatga tushib qolgan ayollarga manzilli yordam
ko‘rsatish mahallalardagi xotin-qizlar faolining asosiy vazifasidir.

Xalq deputatlari Piskent tumani Kengashidagi
15-Fayzabod saylov okrugi deputati (XDP Kengashi raisi) D.Komilova hamda
Kengash kotibiyati bosh mutaxassisi G.Xudoyqulova tomonidan Fayzabod
mahallasida xotin-qizlar faoli tomonidan amalga oshirilayotgan ishlar
samaradorligi atroflicha o‘rganildi.

O‘rganish davomida ayollarni qo‘llab-quvvatlash
borasidagi quyidagi muhim natijalar tahlil qilindi:

Salomatlik nazorati va tibbiy ko‘rik: «Ayollar
daftari» ro‘yxatida turgan va «Tibbiy yordamga muhtoj ayollar» toifasiga
kiritilgan 58 nafar xotin-qizlarning barchasi shu kuni tashkil etilgan
chuqurlashtirilgan tibbiy ko‘rik jarayonida shifokorlar tomonidan to‘liq
tekshiruvdan o‘tkazildi.

Bandlik va tadbirkorlik: Mahalladagi ayollarning
tadbirkorlik tashabbuslarini qo‘llab-quvvatlash va ularning bandligini
ta’minlash maqsadida 6 nafar ayolga o‘z faoliyatini yo‘lga qo‘yishlari uchun
jami 100 million so‘m miqdorida imtiyozli kredit mablag‘lari ajratilishi
ta’minlandi.

Ijtimoiy va psixologik qo‘llab-quvvatlash: Og‘ir
ijtimoiy vaziyatga tushib qolgan hamda psixologik yordamga muhtoj bo‘lgan 9
nafar ayol salomatliklarini tiklash va mazmunli hordiq chiqarishlari uchun
Bo‘stonliq tumanidagi dam olish maskaniga jo‘natildi.

Istiqboldagi vazifalar: Deputat va kotibiyat bosh
mutaxassisi tomonidan mahalla xotin-qizlar faolining olib borayotgan ishlari
ijobiy baholanib, kelgusida ham «Ayollar daftari»dagi xotin-qizlar bilan
manzilli ishlashni izchil davom ettirish, ularni kasb-hunarga o‘qitish va
oilaviy tadbirkorlikka jalb etish ko‘lamini yanada kengaytirish yuzasidan zarur
tavsiyalar berildi.

Telegram(http://t.me/PiskentTumaniKotibiyati) Facebook(https://www.facebook.com/share/1B4wErcYvP/