Jamoat transporti va yo‘l infratuzilmasini yaxshilash
masalalari muhokama qilindi 

 Aholi uchun
qulay va xavfsiz yashash sharoitlarini yaratish, jamoat transporti xizmati
sifatini oshirish hamda ichki ko‘chalarni tartibga keltirish deputatlik
nazoratining asosiy yo‘nalishlaridan biridir. 

Xalq deputatlari Piskent tumani Kengashidagi
15-Fayzabod saylov okrugi deputati (XDP Kengashi raisi) D.Komilova hamda
Kengash kotibiyati bosh mutaxassisi G.Xudoyqulova tomonidan Fayzabod mahallasi
raisi bilan hududdagi transport qatnovi va yo‘llarni shag‘allashtirish
masalalari yuzasidan amaliy suhbat o‘tkazildi. 

 Jamoat
transportidagi ijobiy o‘zgarishlar: Suhbat davomida mahalla raisi tomonidan
ta’kidlanganidek, Piskent tumani markazi va «Fayzabod» MFY o‘rtasida aholiga
xizmat ko‘rsatish sifatini yaxshilash maqsadida tadbirkor tomonidan yo‘nalishli
yengil avtomobillar (Damas) qatnovi yo‘lga qo‘yildi. Eng muhimi, yo‘l haqi
tariflari nisbatan arzonlashtirilgani mahalla ahliga katta qulaylik yaratdi va
fuqarolar tomonidan iliq kutib olindi. 

Ichki ko‘chalarni shag‘allashtirish rejasi:
Uchrashuvda hududdagi yo‘l infratuzilmasini yaxshilash, tirbandliklarning
oldini olish masalalari ham atroflicha so‘z yuritildi. Mahalla raisi hududdagi
ayrim ichki ko‘chalarni, xususan, Farhod, Oxunboboyev hamda Istiqlol berk
ko‘chalarini qisman shag‘allashtirish zarurati borligini bildirdi. 

 Kelgusidagi
chora-tadbirlar: Deputat D.Komilova tomonidan mazkur ko‘chalarni
shag‘allashtirish ishlarini tizimli tashkil etish, bu borada tegishli tashkilotlar
bilan hamkorlik qilish va zarur ko‘makni yo‘naltirish choralari kelishib
olindi. Yo‘llarni ta’mirlash va aholi turmush farovonligini oshirish masalalari
qat’iy nazoratga olindi. 

Telegram(http://t.me/PiskentTumaniKotibiyati) Facebook(https://www.facebook.com/share/1B4wErcYvP/