#deputat_axboroti #poytaxtdeputatlari #deputatlik_faoliyati

❗️Xalq deputatlari Toshkent shahar Kengashi deputati Inom Madjidov 2026-yilning birinchi choragi bo‘yicha axborot berdi

🏛 Xalq deputatlari Toshkent shahar Kengashi deputati Inom Madjidov tomonidan 2026-yilning birinchi choragi davomida amalga oshirilgan deputatlik faoliyati yuzasidan Yashnobod tumanidagi “Donishmand” mahalla fuqarolar yig‘inida saylovchilar uchun ochiq axborot uchrashuvi tashkil etildi.

📝 Unda “Donishmand”, “Katta Yangiobod”, “Yanginur”, “Shohsanam” mahallalari, “yettiligi” vakillari, mahalla faollari hamda fuqarolar ishtirok etdi. Uchrashuv davomida deputat tomonidan hisobot davrida amalga oshirilgan ishlar, fuqarolar murojaatlari bilan ishlash tizimi, hududiy muammolarni o‘rganish va ularni bartaraf etish bo‘yicha olib borilgan amaliy choralar haqida batafsil ma’lumot berildi.

📁 Ta’kidlanganidek, birinchi chorak davomida deputat tomonidan mahallalarda muntazam uchrashuvlar va fuqarolar qabullari tashkil etilib, aholining murojaatlari asosida tegishli tashkilotlarga deputatlik so‘rovlari yuborildi hamda ijrosi nazoratga olindi. Shuningdek, Toshkent shahar Kengashi sessiyalari va doimiy komissiyalar yig‘ilishlarida hududlarni kompleks rivojlantirish, kommunal xizmatlar sifatini yaxshilash, ijtimoiy himoya, bandlik va infratuzilma masalalari yuzasidan faol ishtirok etildi.

📉 Uchrashuv davomida mahalliy Kengash deputati faoliyatining eng muhim 24 ta yo‘nalishi asosida hududdagi mavjud holat ham atroflicha muhokama qilindi. Xususan, yoshlar bandligi, aholiga sifatli tibbiy xizmat ko‘rsatish, sport maydonchalari holati, ichki yo‘llarni ta’mirlash, tungi yoritish tizimi, jamoat transporti, chiqindilarni o‘z vaqtida olib chiqish, boshqaruv kompaniyalari faoliyati, elektr energiyasi va gaz ta’minoti bilan bog‘liq masalalar yuzasidan fuqarolarning fikr va takliflari tinglandi.

💡 Shuningdek, “Donishmand” mahallasi hududidagi metro bekatlari oralig‘ida joylashgan hududning bannerlar bilan to‘sib qo‘yilgani hamda ayrim yo‘llarning nosoz holati yuzasidan ko‘tarilgan murojaatlar deputat tomonidan joyiga chiqib o‘rganilishi va masala yuzasidan tegishli mutasaddi tashkilotlarga deputatlik so‘rovlari yuborilishi ma’lum qilindi.

🗣 Ochiq muloqot yakunida fuqarolar tomonidan bildirilgan taklif va tashabbuslarni tizimli ravishda hal etish, navbatdagi sessiyalar kun tartibiga hududiy muammolarni kiritish hamda doimiy komissiyalar bilan hamkorlikda amaliy nazoratni kuchaytirish bo‘yicha kelishib olindi.

📱 Telegram 📱 Instagram 📱 Facebook 📱 YouTube 🔎 E-kengash