Mazkur muloqot davomida O'zbekiston Respublikasi Oliy Majlis Senati tomonidan ilgari surilgan 24 ta muhim tavsiya hamda 96 ta qonun hujjatlarining tumandagi ijro holati atroflicha tahlil qilindi.

Uchrashuvda deputatlar tomonidan hududni ijtimoiy-iqtisodiy rivojlantirish va qonun ustuvorligini ta’minlash borasida olib borilayotgan ishlar yuzasidan o‘zaro fikr almashildi.

Asosiy e’tibor doimiy komissiyalar faoliyatini jonlantirish hamda deputatlik nazoratini samarali tashkil etish orqali aholi muammolarini hal etish masalalariga qaratildi.

Tashrif buyurgan mas’ullar tuman Kengashi deputatlariga qonun hujjatlari ijrosini ta’minlashda yuzaga kelayotgan masalalar bo‘yicha zaruriy uslubiy va amaliy tavsiyalar berdilar.

Ushbu jarayon mahalliy davlat hokimiyati vakillik organlari o‘rtasidagi hamkorlikni mustahkamlash va ish samaradorligini yangi bosqichga ko‘tarishga xizmat qiladi.

Doimiy muloqot va hamkorlik ruhida o‘tgan tadbir yakunida belgilangan vazifalarni sifatli ijro etish yuzasidan aniq chora-tadbirlar belgilab olindi.